LAOAG CITY – Ballaigi a naisayangkat ti National ID registration,updating/correction of records ken pannaka-issue ti National ID babaen ti pannakibinnulig ti Liga ng mga Barangay iti Philippine Statistic Authority.
Daytoy nga inisyatibo ket mangipasigurado nga ad-ado pay dagiti umili ti maipaayan iti government identification ken al-alisto dagiti transaksiyon ken serbisyo iti gobyerno.
Manipud iti Liga ng mga Barangay Laoag City iti panangidaulo ni PB Roque “Rbee” Ablan, inpaay dagiti nagduduma a barangay ti naimpusuan a panagyaman dagiti amin a barangay officials iti aktibo a panangsuporta ken panangtulong iti PSA team iti pannakaidaulo daytoy nga aktibidad iti tunggal barangay.
Agtultuloy daytoy a programa ken amin a barangays iti Laoag City ket maakomodar.
Malaksid iti daytoy, adda pay dagiti sumaruno nga schedule a maangay iti nagduduma a barangay, isut gapu na nga urayen laeng ti opisyal nga schedule nga ipaay ti PSA iti Liga ng mga Barangay ken isunto met ti mangipakaammo kadagiti masakupan a barangay.
Nagyaman ni Abla iti panagkaykaysa ken suporta ti tunggal maysa para iti mas episyente, accessible, ken naparpartak a serbisyo publiko para kadagiti Laoagueños.
