LAOAG CITY – Inpasigurado ni Assistant Sec. Michael Christoper Agustin, Commissioner Representing Luzon ti National Youth Commission iti suporta ken pannakaitultuloy dagiti naruay a programa para kadagiti agtutubo ditoy pagilian.
Inbatad na a maysa ditoyen iti panagturong dagiti youth leader kadagiti nagduduma a pagilian tapno makita dagiti kultura ken ad-adda pay a pannakapapintas ti liderato dagitoy babaen kadagiti nasursuro da.
Mainaig iti daytoy, kuna ni Agustin nga adda pay iti pannakaipatungpal ti summit para kadagiti Sang Kabataan para iti pannakaaramid ti capacity building.
Mamati ni Agustin a babaen kadagitoy ket ad-adda pay a mapasayaat iti tunggal liderato dagiti agtutubo iti panagserbi da iti barangay.
Innayon na a kasapilan iti panagkaykaysa gapu ta ditoy iti pangrugianan iti amin tapno maakaramid iti pagsayaatan para iti tungal agtutubo.
