LAOAG CITY – Saan a nagsardeng ti Russia iti panangiwayatda ti ballistic missiles a tinamaan ti energy sector ti Ukraine.
Ti nasao a pinagtipon a missile ken drone strikes ket timmama kadagiti power plants ken infrastructure iti Kyiv ken sumagmamano a lugar idiay Ukraine.
Inbatad ni Ukrainian President Volodymyr Zelensky nga ad-adda a pilpilien ti Russia ti terror ken panagngato ti tension ngem iti diplomasia tapno agsardengen ti gubat.
Nagpanawagan daytoy kadagiti kaalyado a pagilian a paigetan ti pressure iti Russia tapno isardengdan ti nasao a panangraut.
Kinondenar met ni North Atlantic Treaty Organization Secretary Mark Rutte ti agtultuloy a panangatake ti Russia.
Bimmisita ni Rutte idiay Ukraine no sadinno a nakasaritana ni Zelensky ken sumagmamano a miembro ti parliamento ti Ukraine.
Inpasiguradona ti agtultuloy a panangsuporta ti North Atlantic Treaty Organization iti Ukraine.
