LAOAG CITY – Inbutaktak dagiti otoridad iti Crans-Montana idiay Switzerland a ti nauram a bar idi baro a tawen ket saan a dimmalan iti inspeksion iti uneg ti lima a tawen.
Inbatad ni Nicolas Féraud ti Presidente ti Crans-Montana a napalaos ti panagbabawida idi naammoanda ti panagkurangda.
Inaklonna dagiti amin a responsibilidad ken awatenda ti aniaman a pannusa.
Kunana a ti konseho ket nasken a mangiwayat ti inspeksion ken adalen dagiti amin nga establishimento kas kadagiti bars ken kitaen dagiti lugar kas ti kusina a mabalin a pagrugian ti uram.
Maipalagip nga umabot iti 50 nga indibidual ti natay ken sumurok 100 ti nasugatan idi nauram ti ski resort kabayatan ti panangselebrar ti baro a tawen.
