LAOAG CITY – Pormalen a kinumpirmaran ti Philippine Embassy idiay Bern, Switzerland ti pakabigbigan ti maysa nga agtawen ti 16 a Pilipino a ni Kean Kaizer Talingdan a naipadamag a mapukpukaw kalpasan ti uram iti Crans-Montana bar idi parbangon ti Enero 1, 2026.
Manarimaan a naka-confine iti University Hospital of Zurich ti baro ken addan iti stable a kasasaad iti baet nga agtultuloy nga imonmonitor dagiti doktor gapu iti sinagabana a sugat.
Makikokoordinar ti Embahada ti Pilipinas ken ti Italian government kadagiti otoridad ti Switzerland para iti posible a pannakaiyakar ni Kean idiay Italy ngem depende iti resulta iti sumaruno a medical evaluation-na.
Basar iti report, 40 nga indibidual ti natay ken 121 ti nasugatan iti napasamak nga uram.
Agtultuloy ti maiwaywayat nga imbestigasion mainaig iti namunganayan ti insidente idinto a marigrigatan latta dagiti otoridad iti panangduktal ti pakabigbigan dagiti sumagmamano a biktima gapu iti nakana a sugat a sinagabada.
