LAOAG CITY – Inaprobaranen ti Sangguniang Panlungsod ti nayon nga honorarium dagiti barangay tanod ditoy siudad ti Laoag.
Segun iti Chairman ti Committee on Social Welfare and Development and Public Service, manayonan ti honoraruim dagiti barangay tanod ti maysa a ribu a pisos.
Daytoy ket iti babaen ti Draft City Ordinance No. SP-2025 -001 wenno maysa nga ordinansa a mangipaay ti nayon a benepisio ken insentibo iti Bantay Bayan Member wenno barangay tanod.
Immuna iti daytoy , kalikagum ti Sangguniang Panlungsod a manayonan ti honorarium dagiti barangay tanod ditoy siudad ti Laoag.
Naammoan nga apaman a maawatda iti honoraruim ket masapol ti requirements dagiti barangay tanod kas ti panangipakitada ti accomplishment report.
Kabayatanna, agbalin nga epektibo daytoy nga ordinansa inton sumaruno a tawen.
