LAOAG CITY -Inpasa ni Senador Jinggoy Estrada ti maysa a gakat a gagem na a palawaen ti Pantawid Pamilyang Pilipino Program (4Ps) ken manayunan ti cash grants tapno matulungan dagiti pamilya a Pilipino a makabangon iti ngumatngato a presyo dagiti magatgatang.
Segun ken ni Estrada, minilyon a Pilipino ti mabenbenipisyaran manipod iti Pantawid Pamilyang Pilipino Program, ngem dagiti tulong pinansyal ken mekanismo a mangsuporta iti programa ket saanna a masabayan ti ngumatngato nga inflation ken ti pudno a sitwasyon iti agdama.
Naipalaon iti Senate Bill 1487, a mabalin a ngumato ti cash grants iti P200–250, palawaen ti coverage ti pamilya manipod pito agingga iti 10 a tawen ken iraman dagiti agtutubo agingga iti agtawen ti 22, kasta met dagiti pamilya nga agkurkurang ti nutrisyon.
Maaddaan pay ti adult education ken skills training para kadagiti nagannak kas suporta iti napaot a pagbiagan.
Maipalagip a basar iti panagadal idi 2024, nakita a ti aktwal a balor ti 4Ps grants ket bimmaba ti 30% manipod idi 2019, a mangipakita a kasapulan ti pannakareporma daytoy.
