LAOAG CITY – Inbutaktak ni NBA Hall of Famer Dwayne Wade a dimmmalan daytoy ti operasion tapno maikkat ti cancerous tumor iti kidney-na.
Inbatad ti agtawen ti 43 nga NBA star a napasamak iti operasion idi pay Disiembre 2023.
Nakita daytoy nga adda ti pannakabalbaliw iti panagisbona ken nakarikna ti panagkapsot isu a nagpakonsultar isuna iti doktor.
Rimmuar iti panagadal ti doktor isu a dagus daytoy a dimmalan iti operasion tapno saanen a kumaro.
Innikkat ti doktor ti agarup 40 a porsiento iti akinkannawan a kidney-na.
Nagyaman daytoy gapu ta dagus a nakita ti nasao a sakit.
Idi 2023 idi napadayawan daytoy iti Naismith Hall of Fame kalpasan ti 16 a tawen a panagay-ayam iti NBA.
Nagay-ayam daytoy iti Chicago Bulls, Cleveland Cavaliers ken Miami Heat.
Addaan daytoy ti average a 22 points, 5.4 assists, 4.7 rebounds ken 1.5 steals.
