LAOAG CITY – Inadmitir ni National Bureau of Investigation (NBI) Director Melvin Matibag a karaman ti asawa na a ni Laguna 1st District Representative Ann Matibag kadagiti agpanpanday linteg a nangsuporta iti impeachment complaint kontra ken ni Vice President Sara Duterte.
Nupay kasta, inlawlawag ni Matibag iti impeachment trial a maisina ti trabaho ti asawa na kas kongresista iti obligasyon na kas mangidaulo iti National Bureau of Investigation.
Segun kenkuana, saan a naimpluwensiyahan ti asawa na ti trabaho na ken patas daytoy iti an-annungen na nga obligasyon.
Kuna pay ni Matibag nga immanugot nga agtestigo kalpasan nga inimbitaran ti House prosecution panel, ken nakasagana met nga agtestigo para iti kampo ti depensa no adda ti imbitasyon da kenkuana.
