LAOAG CITY – Kalikagum ni Justice Secretary Jesus Crispin Remulla nga agpalawag dagiti ahente ti Bureau of Immigrations (BI) ken National Bureau of Investigation (NBI) a naki-selfie iti napadisi a Bamban, Tarlac Mayor Alice Guo.
Segun ken ni Department of Justice Assistant Secretary and spokesperson Mico Clavano IV nga inabisoandan dagiti adda iti ladawan.
Inpasigurado a dumalan iti umiso a proseso ti amin apaman a maawatda ti palawag dagiti maseknan.
Maipalagip a nagsasaruno ti pammabalaw kalpasan a nagwaras ti ladawan a naki-selfie pay dagiti ahente ti National Bureau of Investigation ken Bureau of Immigrations kaduada ni Guo a nakaisem pay.
Immunan nga inbatad ni National Bureau of Investigation Director Jaime Santiago a ti nasao a ladawanda ket mangipaneknek laeng ti naballigi nga operasionda idiay Jakarta, Indonesia.
