LAOAG CITY – Nagballaag ni National Bureau of Investigation (NBI) Director Melvin Matibag a mabalin nga agbalin a “bad precedent” ti panangipaay ti Senado ti protective custody ken ni Sen. Ronald “Bato” dela Rosa a mabalin a posible a makadadael iti talek ti publiko iti panangipatungpal ti linteg ken sistema ti hustisia.
Inbatad ni Matibag a no palubosan a mausar ti Senado kas paglemmengan ti maysa a tao a sumangsango ti arrest warrant ket mabalin daytoy a mangipasimudaag nga adda dagiti institusion a mabalin a libasan ti pagsungsungbatan.
Inpettengna nga adda dagiti makitkitana a “breakdown of law and order” no agtultuloy ti kastoy a situasion.
Innayon pay ti National Bureau of Investigation chief, adda ti pagsungsungbatan ti asinoman nga umaw-awat ti kustodiar iti maysa nga indibidual a saan nga agbayag ket mabalin a mapukaw wenno saan a maipatungpal ti linteg kontra iti daytoy nga inladawanna ti responsibilidad ti baggage counter iti maysa a tiendaan iti panagan-annad iti inbati a kagamitan ti customer.
