LAOAG CITY – Naipilan iti piskalya ditoy ciudad ti Laoag ti reklamo a sexual harassment kontra ken ni Mayor Joseph de Lara iti Solsona, Ilocos Norte.
Kinumpirmaran daytoy ni Atty. Diosdado Araoz, ti magidadaulo ti National Bureau of Investigation (NBI) ditoy ciudad ti Laoag nga isuda a mismo ti nangipila ti nasao a reklamo.
Namuanganay ti kaso ni de Lara gapu iti maipagarop a panangkarawa na ti barukong ti maysa a balasang a napan nagaplikar iti trabaho iti munisipyo ti nasao nga ili itay kallabes.
Innayon ni Araoz a ti kastoy a kaso ket ti laeng kasapulan da ket ti testimonya ti biktima.
Maipalagip nga iti interview ti Bombo Radyo Laoag ken ni Mayor de Lara iti kallabes ket naiget a naglikudan na ti alegasyon kontra kenkuana ken mamati a daytoy ket adda maris pulitika na.
