LAOAG CITY – Maisagsaganan ti kaso a maipila kontra ti suspek a natiliw babaen ti naiwayat a drug buy bust operation idi rabii iti Merkado Publiko ditoy siudad ti Laoag.
Nabigbig ti suspek a ni Jeffrey Culcul y Mateo, agtawen ti 28, naawanan ti asawa ken residente ti Brgy 16 ditoy siudad ti Laoag.
Nakumpiskar dagiti otoridad ti uppat a sachet a naglaon ti maipagarup a shabu, buybust money, balisong, dua a cellphone, maysa a pitaka ti lalaki ken maysa pay a pitaka ti babai.
Umabot ti 0.80 grams dagiti nakumpiskar a maipagarup a shabu manipud kenni Culcul nga agbalur ti 9,000 a pisos.
Naamuan nga ex convict ti suspek manipud iti New Bilibid Prison gapu ti kaso na a carnappaing ken agdama a sumangsango ti thef.
