LAOAG CITY – Nagturong dagiti sumagmamano a tauhan ti Communication and Electronic Service ti National Capital Region Police Office iti Minor Basilica and National Shrine of Jesus Nazareno.
Daytoy ket tapno kitaen no adda iti naurnos a kondision dagiti Close Circuit Television camera iti aglawlaw idiay Quiapo, Manila.
Saggaysa a kinita no nadalus, nalawag, agop-operar ken naurnos ti koneksion dagiti amin a Close Circuit Television camera nangruna kadagiti asideg iti simbaan ti Quiapo.
Karaman dagiti Close Circuit Television camera a naiwaras iti pagdalyasatan ti Traslacion inton Enero 9 ket kinita pay dagiti tauhan ti nasao nga opisina ti National Capital Region Police Office.
Gagem daytoy a masigurado a reel time ti monitoring iti panagtitipon dagiti deboto iti mismo nga aldaw ti Traslacion ti Jesus Nazareno.
Iti babaen kadagiti Close Circuit Television camera, matutukan ti National Capital Region Police Office ti panangrugi ti Traslacion manipud iti Quirino Grandstand agingga a makadanon iti Quiapo Church malaksid pay kadagiti tauhanda a maiwaras tapno masigurado ti kinaurnos ken kinakappia.
