LAOAG CITY – Nangidiaya ti negosiante a ni Chavit Singson ti P5-milyon para ken ni Olympic double gold medalist Carlos Yulo ngem iti maysa a kondision.
Iti online account-na, ti ipaayna a P5-milyon ket saan a gapu ta nakagun-od ni Yulo ti dua a balitok a medalya no diket kalikagumna nga agkakaduada a sibubukel nga agkakapamilia.
Dinakamat ti dati nga Ilocos Sur Governor a nariknana ti sakit iti maysa nga ama nga adda ti saanda a panagkinnaawatan iti anakna ken nasakit a saanna nga inimbitaran.
Inadmitir ni Chavit a saan a kaskarina a pagkaduaen manen ti agina gapu ta adda ti nagbaetanda a dua.
Maipalagip nga adda ti problema ni Yulo iti inana gapu iti relasionna iti nobiana a ni Chloe San Jose.
