LAOAG CITY – Inrakurak ti Nepal a manamnama a maipangato iti 36 a porsiento ti bayadan dagiti mayat a mapan umuli iti Mount Everest.
Daytoy ti kaunaan a gundaway kalpasan iti sumagmamano a dekada a maipangato ti permit fees para kadagiti agturong iti Mount Everest.
Naamoan a kadagiti mapan umuli iti maibilang a kangatoan a bantay iti lubong kabayatan ti peak season ket masapol nga agbayad ti $15,000 manipod iti $11,000.
Kabayatanna, dagiti met umuli iti mount everest iti setyembre agingga iti nobyembre ket agbayad ti $7,500 idinto nga iti Disyembre agingga iti Pebrero ket $3,750.
Ti mapaspastrek manipod iti permit fees ket isu ti maysa a dakkel a pamastrekan ti Nepal.
