LAOAG CITY – Ibilang ni Israeli Prime Minister Benjamin Netanyahu nga aksidente laeng ti timmama a missile iti refugee camp iti Rafah a nakatayan ti 45 a sibilyan.
Segun ken Netanyahu, inaramid ti Israel ti amin tapno maprotektaran dagiti sibilyan a naiipit iti rinupak idiay Gaza.
Kunana a nasurok maysa a milyon a residente ti naibakwit iti Rafah City.
Mainaig iti daytoy, ket inpasigurado ti Prime Minister nga imbestigaran da ti nasao nga insidente.
Maipalagip nga immuna a kinondenar ti United Nations, European Union ken dagiti sumagmamano pay a pagilyan ti aktibidad ti Israel idiay Rafah.
