LAOAG CITY – Inpetteng ni Israeli Prime Minister Benjamin Netanyahu a ti ipangpangrunada itatta ket ti abakenda ti kalaban imbes a waya-wayaan dagiti hostage.
Nupay kasta, saanna a mailinged a kalikagumda a mawaya-wayaan ti nabatbati a 59 nga hostage dagiti Hamas ngem kunana a napateg iti gubat nga abakenda ti kalaban.
Daytoy ti umuna a gundaway a dinakamat ni Netanyahu iti Independence Day ti Israel a maikadua a prioridad ti pannakawaya-waya dagiti hostage.
Nakaawat met ti negatibo a komento ti nagbalin a rakurak ni Netanyahu nangruna kadagiti pamilia dagiti na-hostage.
Maipalagip a naruay a pagilian ti nagpanawagan a nasken nga ipatungpal ti napaut a ceasefire ken ti pannakawaya-waya dagiti hostage.
