LAOAG CITY – Balligi a nagsapata dagiti newly elected members ti Board of Directors ti Philippine Red Cross – Ilocos Norte Chapter idi napan a Nobiemre 09, 2024.
Napili iti umuna a pwesto ni Asec. Ana Carmela Remigio, sinaruno ni Mr. Dilip Mansukhani, Ms. Celestina Paz, Ms. Nellie Edu, Mr. Joegie Jimenez, Atty. Franklin Dante Respicio, Dr. Medeldorf Gaoat, Dr. Alfredo P. Valdez Jr., Dr. Jeofrey C. Suangco, Dr. Rickson R. Balalio.
Agserbi dagiti nabutosan iti uneg ti uppat a tawen ken manamnama a suportaranda ken itultuloyda dagiti programa ken aktibidad ti Red Cross.
Mainaig iti daytoy, agarup sangagasot a delegado ti nagbutos tapno mapili dagiti baro a miembro ti Board of Directors ti Philippine Red Cross – Ilocos Norte Chapter.
Kabayatanna, nagserbi kas Guest Speaker ni Atty. Michel Kristian Ablan manipud iti Department of Trade and Industry (DTI).
