LAOAG CITY – Agtultuloy ti panangaramid ti pakasaritaan iti NBA ni Nikola Jokic.
Iti nagbalin a laban ti Denver Nuggets iti Minnesota Timberwolves ket nakaaramid daytoy ti 61 points, 10 rebounds ken 10 assists.
Iti baet a naabakda iti nasao nga ay-ayam iti iskor a 140-139 ket nakagun-od ni Jokic ti baro a rekord.
Naammoan nga isuna ti maikadua nga umaayam iti pakasaritaan ti NBA a sumaruno ken ni Wilt Chamberlain idi 1963 a nakairekord ti 50 points iti triple-double.
Iti napalabas a bulan, nakairekord ni Jokic ti pakasaritaan ti triple-double idi maalana ti 30-20-20 triple double kontra iti Phoenix Suns.
