Inadmitir ti kumakanta a ni Nina, agtawen ti 44, a naragsak ti puso na ken inspirasyon na ti private relationship na.
Nupay saan a kayat ni Nina a mangipaay ti detalye mainaig iti love life na.
Mainaig iti daytoy, agsagsagana ni Nina para iti pre-Valentine concert na a “Love Matters” inton February 7, 2025, iti New Frontier Theater, Quezon City.
Idadauloan daytoy ni John Prats kas direktor, ken maitampok ditoy ti panag-explore ni Nina ti sabali a genre, kas iti Broadway songs.
Kabayatanna, excited ti “Asia’s Diamond Soul Siren” gapu ta daytoy ket gundaway a mangipakita iti baro nga estilo ti musikana ken mangitukon iti naisangsangayan a padas para kadagiti fans na.
