LAOAG CITY – Natiliw ti maibilang a Number 2 Most Wanted Person iti ili ti Sarrat.
Nabigbig ti akusado a ni Brandon Mateo y Tagaca, agtawen ti 27, baro, agnanaed iti Brgy. Budiong, Odiongan, Romblon ken tubo iti nasao nga ili.
Inserbi dagiti kameng ti nailian a pulisya ti Romblon, Sarrat, ken PDEA Romblon ti warrant of arrest kontra kenni Mateo iti pagnanaedan na iti nasao a probinsya.
Sumangsango ni Mateo ti kaso a panagsalungasing iti RA 9165 wenno Comprehensive Dangerous Drugs Act of 2002.
Basar iti report manipud ti PNP Sarrat, mapatta-patta nga idi tawen 2015 wenno tawen 2016 a naiwayatan ti operasyon ni Tagaca iti nasao nga ili seknan ti panagsalungasing iti RA 9165 ngem naglemmeng iti Odiongan, Romblon.
Nagtalinaed ti akusado iti kustudyar dagiti otoriad idiay Odiongan ken manamnama a maipaima iti PNP Sarrat.
