LAOAG CITY – Nagselebrar ti maika-5 a tawen a panagkasangay ti surviving nonuplets idi Mayo 4 a naipasngay iti Ain Borja clinic iti Casablanca, Morocco.
Idi 2021, naamoan ni Halima Cisse a daytoy ket addaan ti panagsikog a multiple pregnancy. Segun iti doktorna, mabalin a pito a maladaga ti adda iti sikogna.
Idi madamag daytoy ti Presidente da a ni Bah Ndaw, nangipaay daytoy ti tulong ken inpatulodna ni Halima ken ti asawana idiay Morocco tapno agpasngay iti nasao a pagilian ken matagiben dagiti espesyalista.
Ti namnamaen a pito laeng a maladaga ni Cisse, daytoy ket nagbalin a siam nga agdagsen ti 500 a gramo agingga 1 a kilo ti tunggal maysa. Lima ti babbai ken uppat met ti lallaki.
Gapu ti saan a ninamnama a nasapa panagpasngay ni Cisse, dimmalan dagitoy a ti sumagmamano a karit gapu ta 30 week a premature dagitoy.
Ti nonuplets ket isuda Fatouma, Kadidia, Hawa, Adama, Oumou, Bah, Mohammed, Oumar ken Elhadji.
Nagbalin a Milagro dagiti agkakabsat gapu ta ti ammo ti kaadoan ket saanen a makalasat dagitoy.
Gapu iti daytoy, pinadayawan ti Guinness World Records dagitoy kas “Most Children Delivered at a single Birth to Survive.”
Naamoan pay nga addaan dagitoy ti inaunaan a kabsat a babai no sadinno a pakabuklan ti 10 ti bilang dagiti agkakabsat.
Iti agdama, sitatalged nga agad-adal dagitoy iti maymaysa a pagadalan a naragsak ken nasalun-at.
