LAOAG CITY – Rinugianen ti North Korea ti nagipatulod kadagiti tropa a makiranget iti Russia idiay Ukraine.
daytoy ti inpakaammu ti espia ti South Korea kabayatan a nagpakdaar ti Seoul iti nakaro a pangta ti agtultuloy a tension iti seguridad.
Ti alegasion ket napasamak kalpasan a kinuna ni Ukrainian President Volodymyr Zelensky a patienna a 10,000 a soldado ti North Korea ti mabalin a makikadua iti gubat, maibasar iti intelligence information.
Gapu iti daytoy, nagpannawagan ni South Korean President Yoon Suk Yeol iti miting ken kinunana a ti internasional a komunidad ket masapul a sumungbat babaen ti “all available means”.
Segun iti spy agency, 1,500 a tropa ti simmangpet idiay Russia.
