LAOAG CITY – Inpublikar ti Ukraine a pinapigsa ti North Korea ti military support-da iti Russia.
Segun ken ni Major General Vadym Skibitskiy, Deputy Head ti Ukrainian Defense Intelligence, a karaman iti military support ket dagiti drone units.
Ti nasao a pannakaipapigsa ket pakadagan ti North Atlantic Treaty Organization (NATO) no sadinno ket gapu iti daytoy ket namnamaenda ti nakarkaro a panagatake ti Russia iti Ukraine.
Immunan a dinakamat ni Ukraine President Volodymyr Zelensky dagiti suldado ti North Korea a nakasagana a lumaban para iti Russia kontra kadakuada.
