LAOAG CITY – Naabak ti San Miguel Beermen kontra iti NorthPort iti iskor a 105-104 iti panagsangoad ti PBA Commissioner’s Cup.
Nagbalin a bannuar ti Batang Pier ti import-da a ni Kadeem Jack kalpasan a naiserrekna ti turnaround jumper-na iti nabatbati a 16.7 a segundo iti ay-ayam a naiyuswat iti Ynares Center idiay Antipolo.
Addan ti walo a panangabak ken tallo a pannakaabak ti Batang Pier nga adda iti maikadua a puesto kaduana ti Converge FiberXers.
Naammoan a ti Beermen ket addaan ti uppat a panangabak ken innem a pannakaabak a kapadada iti maika-walo a puesto ti Magnolia ken NLEX.
