LAOAG CITY – Naglukat manen ti Notre Dame Cathedral idiay Paris, lima a tawen kalpasan a dinadael ti uram.
Manamnama a tumabuno iti seremonia dagiti lider ti lubong, pakairamanan ni US President-elect Donald Trump, tapno selebraran ti napaspas a pannaka-restore iti historiko a simbaan.
Inpakita ni President Emmanuel Macron ti France ti panagrestore iti Notre Dame kas simbolo ti abilidad ken talento dagiti tattao iti France.
Mainaig iti daytoy, umabot iti €700 million ti nagastos iti proyekto a nalpas iti lima laeng a tawen, iti laksid dagiti karit kas iti lead pollution, Covid-19 pandemic, ken ipapatay ti project leader idi napan a tawen.
Kabayatanna, ti pannakalukat manen ket nangipakita kadagiti nadalus a diding, baro a muebles, ken bubongan a naaramid manipud kadagiti agkakauna a kayo manipud iti napinpintas a bantay ti France.
Iti agdama, mangnamnama ni Macron a ti daytiy nga okasion ket mangipaay ti inspirasyon iti baet ti krisis a sangsanguen ti nadakamat pagilian
