LAOAG CITY – Kinumpirmaran ni Dr. Arthuro Cabello, City Veterinarian ditoy ciudad ti Laoag ti pannakatay ti maysa a nuang nga adda iti slaughter house.
Segun kenni Cabello, idi napan iti slaughter house ket nakita na a rukrukruken dagiti partidor ti nuang ken imbes a dara ti rimwar ket danom.
Inlawlawag na a natangkenen ti nuang idi nakita na ken agarop maysa nga orasen a natay.
Agpapan maisursurat ti damag ket saan pay a makumpirmaran ni Cabello no anya ti rason ti pannakatay ti nuang idinto nga idi maiserrek iti slaughter house ket nasalun-at daytoy.
Inpetteng na a no natayen ti maysa a taraken ket saanen a rumbeng a sidaen gapo kadagiti mikrobyo.
