LAOAG CITY – Maikkaten iti listaan dagiti nuisance ken placeholder candidates para iti 2025 midterm elections sakbay nga agngudo ti Nobiembre basar ken ni Commission on Elections Chairman George Erwin Garcia.
Inpasigurado ti poll body chief ti dagus a tignay ti Comelec en banc iti nasao nga isyu.
Kunana nga amin a disqualification cases kangrunaanna ti nuisance candidates ket matingingiting iti national ken local.
Inlawlawagna a dagiti kandidato a nangipila ti kandidatura tapno maallilaw dagiti botante gapu iti agpada a nagan iti sabali nga aspirant wenno dagiti na-hire tapno agpaidasig kasukat ti kuarta ket maikkaten sakbay ti pannakaimprenta dagiti balota.
