LAOAG CITY – Balligi a natiliw ti Number 1 Most Wanted Person iti ili ti Sarrat babaen iti nagtipon a pwersa ti PNP iti nasao nga ili ken ti INPPO.
Segun kenni Police Captain Carlo Abing, chief of police ti PNP-Sarrat, ti suspek ket agtawen ti 32, awanan ti asawa ken residente iti Barangay 14, San Juan iti nasao nga ili.
Inbatad na a ti suspek ket naarestar iti Centro, Solana, Cagayan babaen ti bileg ti warrant of arrest nga inparuk-at ni Hon. Judge Francisco Quilala, presiding judge ti RTC Branch 14 ditoy ciudad ti Laoag gapo iti panaglabsing daytoy iti RA 9165 wenno “Comprehensive Dangerous Drugs Act of 2002”.
Kabayatanna, awan ti nairekomendar a pyansa ti nadakamat nga akusado ken nagtalinaed iti kustudyar ti PNP-Sarrat.
