Inpakaamo ti Department of Science and Technology – Food and Nutrition Research Institute (DOST-FNRI) ti “significan” a panagadu dagiti overweight ken obese nga agtutubo a Pilipino.
Maibatay iti policy statement iti “FAT (Fad and Trending)!: Adolescent Obesity” ken datos manipud iti 2021 Expanded National Nutrition Survey (ENNS), inwaragawag ti Department of Science and Technology – Food and Nutrition Research Institute a ngimmato ti bilang dagiti obese ken overweight nga agtutubo manipud iti 11.6 a porsiento idi 2018 agingga iti 13 a porsiento idi 2021.
Inpalgak ti panagadal nga ad-adu dagiti lallaki a respondents ti nalukmeg nga addaan ti 14.8% no idasig kadagiti babbai nga addaan ti 11.3%.
Segun iti World Health Organization (WHO) ken Department of Science and Technology – Food and Nutrition Research Institute a ti panag-develop ti Obesity kadagiti agtutubo ket mabalin a gapu iti bimmassit a pisikal nga aktibidad, nakatugaw nga estilo ti panagbiag, nabaliwan ti pannangan, immadu a taba ti taraon, ken dagiti gene a obesity-associated genes.
Kabayatanna, indagadag ti obesity-associated genes, kadagiti ahensia ti gobierno nasional a mangbukel kadagiti standard protocols para kadagiti programa ken rutina ti pisikal nga aktibidad, mangipaay kadagiti nagannak ken mangay-aywan kadagiti kabaruan nga impormasion maipapan iti salun-at ken dadduma pay a resource materials, mangpondo ken regular a mangorganisar kadagiti seminar wenno kurso maipapan iti nutrision ken pisikal nga aktibidad ken panangagas kadagiti genetiko a banag ti kinalukmeg kas iti metabolic syndrome.
