LAOAG CITY – Maipaayen iti Gobierno Probincial ti occupancy permit ti Ilocandia Cultural Center iti ciudad ti Batac.
Segun kenni Governor Cecilia Araneta-Marcos, apaman a maipaay daytoy ket mabalinen a mausar ti nasao a lugar.
Kunana a ditoy pay ti pakaangayan ti maysa nga aktibidad ti Northwestern University, isut gapuna a patienna a napintas ti pagbalinan na ken magagaran unay a makakita a mausar ti nasao a lugar.
Mangnamnama nga adda pay dagiti maangay a programa saan laeng a pang-local no diket pang-national.
Inpakaammo na nga adda ti maysa a personnel a nakasarita na mangimanihir iti daytoy.
Innayon na nga agtinnulong da iti ciudad ti Batac a mangimanihir iti Ilocandia Cultural Center no sadinno nga agkiddaw da pay ti tulong ti private consultation.
Ti Ilocandia Cultural center ket nayun pay a pamastrekan ti probinsia.
Maipalagip a nabayagen a naipatakder ti Ilocandia Cultural Center ngem gapu kadagiti kurang a dokumento iti pannakaestablisar na ket saan a sigud a nausar daytoy.
