LAOAG CITY -Nakaawiden ditoy Pilipinas partikular iti Bgy. Nagbacalan iti ili ti Paoay ti OFW a minalmaltrato ti employer na bayat ti kaadda na idiay Saudi Arabia.
Kinumpirmaran daytoy ni Bgy. Chairwoman Ma. Luisa Pascua iti Bgy. Nagbacalan ti nasao nga ili.
Segun ken ni Pascua, mismo a ti asawa ti OFW a ni Zenaida Solis iti nangipakaammo kenkuana a nakaawiden daytoy.
Nupay kasta, kuna ni Pascua a saanda pay a nakapagsarita ken ni Solis ngem naibagada nga addanto tiempo na nga umay da bumisita ditoy Bombo Radyo ken idiay kapitolyo.
Daytoy ket tapno personal a makapagyaman da iti tulong a naipaay kadakuada.
Kuna ni Pascua a gapu ta nakasublin ni Solis ket mabalin da a tulungan daytoy no kayat na ti agsanay panggep iti panagmasahe gapu ta adda panagsanay a maar-aaramid iti barangay da babaen ti TESDA.
Iti agdama ket manarimaan ti panagsanay ni Solis iti opisina ti OWWA.
Maipalagip a nagpatulong ti asawa ni Solis ditoy Bombo Radyo laoag baben iti tulong ti kapitan ken inyuman met daytoy ti Bombo Radyo iti opsina ti PESO gapu ta malmaltratuen ti amo na ket kurang dagiti it-ited da a suweldo.
Mainiag a damag, inbatad ni Mrs. Ann Marie Lizette Bitancor-Atuan, mangaidadaulo ti PESO a nawaya ni Mrs. Zenaida Solis iti Bgy. Nagbacalan iti ili ti Paoay a bumisita iti opisina ti Public Employment Support Office (PESO) itan ta nakasublin ditoy Pilipinas.
Segun ken ni Atuan, mabalin latta ni Solis iti bumisita iti opisina da tapno mabalakadan da no ania dagiti rumbeng nga aramiden na ket matulungan da daytoy a mangiyasideg iti OWWA ken iti DOLE
Kuna na a no kayat na pay ti agsubli idiay abroad ket mabalin da pay nga asistiran.
Maragsakan ni Atuan gapu ta nakaawiden ni Solis a nagpatulong kadakuada itay kallabes kalpasan a naiyuman kadakuada ti problema na a panangmalmaltrato kenkuana ti amo na bayat ti kaadda na idiay Saudi Arabia.
