LAOAG CITY – Balligi a naarestar ti Philippine National Police iti ili ti Piddig ti maysa nga Overseas Filipino Worker babaen iti bileg a warrant of arrest gapu iti panaglabsingna iti Republic Act 9262 wenno Anti-Violence Against Women and their Children Act of 2004.
Nabigbig ti akusado nga agtawen ti 40, naasawaan, Overseas Filipino Worker ken residente iti Brgy. 18 Estancia iti nadakamat nga ili.
Naarestar dagiti otoridad ti indibidual iti Brgy. Anao iti ili ti Piddig babaen iti bileg ti warrant of arrest nga inyatnag ni Hon. Judge Nida B. Alejandro ti Regional Trial Court, Branch 11, ditoy siduad ti Laoag gapu iti panaglabsingna iti Republic Act 9262 wenno Anti-Violence Against Women and their Children Act of 2004 no sadinno narekomendaran daytoy ti piyansa nga umabot iti P24,000 para iti temporario a pannakawayawayana.
Naammoan a naireklamo ti suspek babaen iti asawa na kalpasan a maipagarup a dangdangranna ti pamiliana.
Kabayatanna, nagtalinaed ti askudo iti kuerpo ti Philippine National Police iti ili ti Piddig ken manamnama a maidatag iti korte naggapaun ti warrant of arrest.
