LAOAG CITY – Ngimmato ti personal remittances manipud iti Overseas Filipinos (OFs) iti 3.2 % a katukag ti US$3.43 bilion idi Hulio 2024 manipud iti US$3.32 bilion idi Hulio 2023.
Ti panagngato ti personal remittances idi Hulio 2024 ket gapu iti nangatngato a remittances manipud kadagiti trabahador a naka-land base nga addaan iti kontrata ti trabaho iti maysa a tawen wenno nasursurok ken dagiti trabahador a naka-land base and water-base nga addaan iti kontrata iti trabaho a basbassit iti makatawen.
Mainaig iti daytoy, dimmakkel ti dagup a remittances manipud Enero agingga iti Hulio 2024 iti 3% agingga iti US$21.53 bilion manipud iti US$20.91 bilion a nairekord idi Enero-Hulio 2023.
Ti panagngato ti cash remittances idi Hulio 2024 ket gapu iti panagadu dagiti resibo manipud kadagiti trabahador iti daga ken baybay.
Iti year-to-date, dimmakkel ti cash remittances iti 2.9% agingga iti US$19.33 bilion manipud iti US$18.79 bilion a nairekord idi Enero-Hulio 2023.
