LAOAG CITY – Inpakaammo ni Margie Chikino, tubo iti Dupax del Sur, Nueva Viscaya ken OFW idiay Maadi, Egypt nga innem dagiti maipagarup nga apektado ti coronavirus disease wenno COVID-19.
Inbatad ni Chikino a dagiti nadakamat nga apektado ket gangannaet idinto a dagiti dadduma ket Egyptian.
Saan met pay a nakumpirmaran no ania dagiti nationality dagiti nadakamat a naapektaran ti nasao a virus.
Manarimaan a maobserbaran dagitoy iti uneg ti 14 nga aldaw iti isolation area.
