LAOAG CITY – Agpila dagiti naistranded nga Overseas Filipino Workers idiay Hongkong intono bigat iti POLO-Overseas Workers Welfare Administration tapno makaala da ti libre a ticket tapno makawid dan ditoy pagilian sakbay ti paskua.
Daytoy ti inpakaammo ni Bombo Correspondent Jessa Flores, Domestic Helper idiay Hongkong, tubo ti Sarrat, Ilocos Norte.
Kuna na a mangrugi nga agturong dagiti stranded nga OFWs iti Polo-Owwa tapno makaala ti libre a ticket ken kasta metten agflight intono bigat.
Innayon na a nasurok 200 dagiti OFWs ti manamnama nga agpila tapno makaala ti libre a ticket tapno makaawiden nga insegida dagiti OFWs para ti paskua ken baro a tawen.
