LAOAG CITY – Pormalen a nagsapata kas baro a Department of Homeland Security head ni United States Senator Markwayne Mullin.
Inmatangan ni United States President Donald Trump ti panagsapata iti responsibilidad ni Mullin.
Pinili mismo ni Trump ni Mullin kalpasan a nagikkat iti puesto ni Department of Homeland Security Secretary Kristi Noem.
Ti first-time senator a ni Mullin ket nangabak idi special election ngem 10 a tawenen daytoy a nagbalin nga United States representative ti Oklahoma iti lower house ti Congress.
Immunan nga inrakurak ni Mullin a mangipatungpal daytoy ti napinpintas nga addang iti pananglaban kadagiti iligal nga immigrants.
Maipalagip a sumangsango iti kontrobersial ti Department of Homeland Security gapu iti reklamo kontra kadagiti Immigration and Customs Enforcement (ICE) no sadinno nga adda ti sumagmamano nga insidente ti pammaltog a nairekord iti sumagmamano nga estado ti Estados Unidos.
