LAOAG CITY – Nakasaganan ti gobierno probinsyal babaen iti Provincial Sports Office para iti panagturong ni Olympian Pole Vaulter EJ Obiena ditoy probinsya intono bigat, Nobyembre 22, 2024.
Daytoy ti inbatad ni Mrs. Helen Rose Domingo, ti mangidadaulo iti Provincial Sports Office.
Segun ken ni Domingo, iti oras ti alas-kwatro ti malem intono bigat ket mainanugaran ti Pole Vaulting Facility iti Marcos Stadium ditoy ciudad ti Laoag.
Ti nasao a Pole-Vaulting Facility ket isu ti kaunaan a naestablisar ni Obiena.
Gagem ni Obiena iti panangestablisar na ti Pole Vaulting Facility ket tapno adda ti pagsanayan dagiti agkalikagom nga agbalin a pole vaulter iti Pilipinas ken makaipaay ti pammadayaw iti pagilian.
Manamnama a kalpasan ti inagurasyon ti nasao a pasilidad ket adda ti iwayat a press conference ti pole vaulter.
