LAOAG CITY –Nangipila ti Office of the Ombudsman ti kaso nga usurpation of official functions ken ni dati nga Overseas Workers Welfare Administration (OWWA) Administrator Arnell Ignacio mainaig ti panaggatang ti OWWA ti ₱1.4B a sanikua.
Segun iti Department of Migrant Workers (DMW), maipagarup a pinirmaan ni Ignacio ti kontrata ti panaggatang ken inaprubaranna ti pannakaiparuk-at ti pundo uray no saan a dimmawat ti pammalubos manipud iti Overseas Workers Welfare Administration (OWWA) Board of Trustees.
Inbatad ni DMW Secretary Hans Cacdac nga imbilin ti Ombudsman a mangipila ti kaso kontra ken ni Ignacio. Ti usurpation of official functions ket addaan ti pannusa a 6 a bulan agingga 4 a tawen ti pannakaibalod no sadinno a nakadependar iti desision ti korte.
