LAOAG CITY – Inbutaktak ni Ombudsman Boying Remulla a malaksid iti executive ken legislative branches, nakaro pay ti korapsyon iti judiciary.
Inaramid daytoy ni Remulla kabayatan ti pananglagip na ti fertilizer fund scam, no sadinno a ni dati a Department of Agriculture Undersecretary Jocelyn “Joc-joc” Bolante ket inabswelto ti Sandiganbayan iti sangsangwen na a plunder charges nga adda ti pakainaigan ti P723-million fertilizer fund scam.
Inpetteng ni Remulla nga adda dagiti abogado a mangi-lobby kadagiti kaso iti uneg ti judiciary.
Maipalagip nga idi Oktubre 2025, inabswelto ti Sandiganbayan da dati a senador ken agdma chief presidential legal counsel iti dayta a gundaway a ni pimmusay a Juan Ponce Enrile, ti dati a chief of staff na a ni Jessica Lucila “Gigi” Reyes, ken ni nakabalud a businesswoman Janet Lim-Napoles manipod iti 15 counts ti graft mainaig iti maipagarop a pannakairaman da iti Priority Development Assistance Fund (PDAF) scam.
