LAOAG CITY – Nagsurat ni Ombudsman Jesus Crispin Remulla iti Bureau of Immigration para iti foreign travel restriction order tapno masigurado a dagiti 77 subjects iti fact-finding investigation ket saan a makaruar iti pagilyan.
Ti foreign travel restriction order ket maiduma iti hold departure order (HDO), nga iparuk-at ti korte.
Nangisyu ti Sandiganbayan para kadagiti indibidual a sumangsango iti kaso gapo iti maipagarop a pannakairaman da iti flood control project anomalies.
Saan met a dinakamat ni Remulla ti nagan dagiti adda iti listaan ngem inbatad na nga adda ti senator, congressman, ken contractor.
Binalakadan na pay dagitoy a saan da a rumuar gapo ta ado pay ti pagsasaritaan da a masapol a masungbatan dagiti amin a saludsod.
