LAOAG CITY – Inlawlawag ti maysa kadagiti online seller nga akin-order kadagiti nakumpiskar a processed meat kangrunaan na ti pork wenno chicken ham, sausages, pork shanghai ken dadduma pay nga adda amin ti permit dagiti produkto na.
Inbatad na a dagiti order na ket aggapo iti Metro Manila ken chicken ham amin dagitoy nga umabot iti 650 a kilo nga agbalor iti agarop 100 a ribo a pisos.
Segun kenkuana, ti laeng inbaga kenkuana ti Provincial Veterinary (PVET) a nalabsing na ket gapu iti kaawan ti label dagiti inorder na a produkto ken naikarton dagitoy imbes a naikabil iti styro box.
Inpalgak na nga inkarton ti supplier na dagiti order da gapu ta awan ti stock nga styro box ken agbiyahen ti cargo truck idi agorder isut gapuna nga inkamakam na laeng.
Inpakaammo ti saanen a nagpabigbig nga online seller a dagiti nakumpiskar nga order da ket naikali iti asideg ti slaughter house.
Innayon na a nabayagen nga aglaklako kadagiti nasao a produkto ngem ita laeng a nakumpiskaran ti lako.
