LAOAG CITY – Inpadamag ti Bureau of Immigration a balligi ti pannakairruar ti Online Special Study Permit application (SSP).
Segun ken ni Bureau of Immigration Commissioner Norman Tansingco, daytoy nga addang ket paset ti panangitandudo ti modernization efforts a maitunos iti bisyon ti ahensia.
Ti Online Special Study Permit application ket maysa a permit para kadagiti ganggannaet nga estudiante a karaman iti specific criteria.
Dagitoy a pagalagadan ket mairaman ti nababa ngem 18 a tawenna, naka-enrol, ken nakaawat ti non-degree course, naka-enroll ken na-admit iti short course nga awan pay maysa a tawen, wenno kas maysa a trainee wenno intern mangkompleto iti kursona iti degree.
Dagiti naka-enroll iti aviation wenno flying schools tapno makompleto ti kasapulan a bilang ti flying hours ket maikari para iti nadakamat a permit.
Daytoy baro a sistema ti ahensia ket makatulong tapno mapasayaat ti efficiency ti panagala iti ken kinanam-ay ti pananggun-od iti Special Study Permit.
