LAOAG CITY – Kinumpirmaran ni Police Lt. Rudy James Jacalne, chief of police ti PNP-Piddig nga adda ti nangkastigar kenkuana a Police Col. a nakabase iti NCRPO.
Segun kenni Jacalne, adda ti sinita da nga indibidual nga agtawen ti 20 a saan a nagisuot ti facemask.
Inlawlawag na a kalpasan daytoy ket nagipulong ti violator iti uliteg na nga opisyal nga adda idiay NCRPO isut gapo na a timmawag met ti maseknan kenkuana.
Rumrumuar a ti inbaga ti Pol. Col ket tarimaanen ti PNP-Piddig iti panagtiliw da ken maipagarop a dinakamat na pay nga am-ammo na ni Provincial Director Police Col. Julius Suriben.
Inbatad ni Jacalne a tinawagan na met ni Suriben ken inbaga ti PD kenkuana a tiliwen da latta daytoy gapo ta isu ti trabaho da.
Mainaig iti daytoy, kuna ni Jacalne a daytoyen ti maikatlo a gundaway a masita ti nasao nga indibidual gapo ta idi damo ket naglabsing iti curfew hour ken iti maikadua ket intarayan na dagiti pulis.
