LAOAG CITY – Kinumpirmaran ni Adminitrator Corazan Calina iti ili ti Bangui a sumangpet ita nga aldaw dagiti opisyales manipud Takumaki, Japan para iti black garlic processing.
Segun kenni Calina, intono Sabado ket agturong dagiti opisyales idiay Bangui para iti nasao nga addang.
Inbatad na a dagiti nasao nga opisyal ket isuro da kadagiti garlic growers ditoy probinsya ti usar ti teknolohiya mainaig iti black garlic processing.
Inlawlawag na a dagiti opisyal ket tumulong nga agilako kadagiti nalpasen a naiproseso a black garlic.
Mangnamnama ni Calina a babaen iti daytoy ket magutigut pay ti Japan nga agisuro kadagiti kaprobinsyaan ti usar ti makabarwanan a teknolohiya tapno mapadur-as ti produksyon ti bawang ditoy Ilocos Norte.
Mainaig iti daytoy, kuna ni Calina a babaen iti ganwat dagiti opisyales ti Takumaki, Japan ket dakkel a makatulong kadagiti mannalon ti bawang.
