LAOAG CITY – Inpakaamo ni Fire Superintendent Floro Obrero, iti BFP-Ilocos Norte nga addan ti 14 a nairekord nga isidente ti uram ditoy probinsya manipod idi Oktubre.
Segun ken ni Obrero, ti kangrunaan a a namunganayan dagiti insidente ti uram ket ti electrical trouble kangrunaan na kadagiti nabaybay-an a nakasaksak nga appliances ken vehicular.
Gapu iti daytoy, kuna na nga agtultuloy ti naiget a panangiyuswat ti BFP ti Oplan Ligtas Pamayanan (OPL).
Inlawalawag na a babaen iti daytoy, agturong dagiti kameng ti BFP iti kada barangay ken dita a maipakaammo dagiti nasken ken saan a nasayaat nga aramiden tapno maliklikan ti uram.
Kabayatanna, inbatad ni Obrero a kadagitoy a gundaway ket naiget ti pannagmonitor ti BFP kadagiti aglaklako ti paputok gapu ta daytoy ti posible a pamunganayan ti uram iti asideg a panangsarabo ti baro a tawen.
Nagballaag ti opisyal a saan nga agbaybay-a pakairamanan ti saan a panagpuor iti arubayan tapno maliklikan ti uram.
