LAOAG CITY – Inpetteng ti main opposition party ti Turkey a saanda nga agsardeng iti panangisayangkat ti tignay protesta.
Inbatad ni Ozgur Ozel ti Republican People’s Party nga agingga a saan a waya-wayaan ni Ekrem Imamoglu ti Mayor ti Istanbul ket agtultuloy latta ti maiwaywayat a tignay protesta.
Ikamkampania pay ti grupo nga agbalin a Presidente ti pagilianda ti nasao a Mayor.
Dumanon iti sumurok 1,400 a protesters ti inarestar dagiti otoridad.
Kinondenar met ni Turkish President Recep Tayyip Erdogan ti insidente no sadinno nga inakusaranna dagiti opposition iti panangraut kadagiti kapulisan ken panangdadael kadagiti kukua ti gobierno.
