LAOAG CITY – Panawenen tapno baliwan ti sistema nga umab-abot iti 12 agingga ti 24 nga oras ti panagur-uray dagiti pasyente iti emergency room dagiti pampubliko nga ospital iti pagilian.
Daytoy ti inbatad ni Health Secretary Ted Herbosa no sadinno nga inpetteng na a masapol nga agpaot laeng iti uppat nga oras ti panagtalinaed iti emergency room para iti pannakaiproseso ti pasyente sakbay a maikabil iti kwarto da wenno madischarge.
Mainaig iti daytoy, inawagan ni Health Secretary Herbosa a dakkel a karit nga addang ti rakurak ken ti panangipasigurado ti The Medical City a namnamaen dagiti pasyente a ma-admit wenno madischarge iti uneg ti uppat nga oras a panagur-uray da iti Emergency Department.
Ti nasao nga addang ket paset ti panangpalawa ti ospital ti Emergency Care Unit da, saan laeng a mangipaay ti nalawa nga espasyo ngem ado pay a kama ken medical staff.
Malaksid iti daytoy, gagem pay ti addang a masolusyunan ti ngumatngato a demand para iti emergency services.
