LAOAG CITY – Naipasan iti konseho ti maysa nga ordinansa a mangipaay ti preventive protocols ken institutional responsibilities no adda ti bomb threats a maawat dagiti pagadalan, pasdek negiosyo ken ahensya ti gobierno ditoy ciudad ti Laoag.
Inbatad ni Vice Mayor Rey Carlos Fariñas a dakkel a makatulong daytoy nga addang tapno maliklikan ti panagpanic ken dakdakkel a problema no adda ti maawat a bomb threat.
Inlawlawag na a kalpasan a naipasa ti ordinansa iti konseho ditoy ciudad ket maipasa daytoy iti Sang panlalawigan ken no maaprobraran ket naan-anayen a maiyimplementar kas linteg ditoy ciudad ti Laoag.
Maipalagip nga idi 2025 ket adda ti sumagmamano a pagadalan ditoy ciudad ti Laoag ti nakaawat ti bomb threat a nagresulta ti panakasuspenso ti klase dagiti estudyante.
